ՀՀ կառավարութիւնը այսօրուան նիստին հաւանութիւն տուաւ Արաբական Միացեալ Էմիրութիւններու (ԱՄԷ) քաղաքացիներուն Հայաստանի Հանրապետութիւն մուտքի վիզայի պահանջէն ազատելու մասին որոշման նախագիծին:

Հայաստանի արտաքին գործոց նախարարի տեղակալ Շաւարշ Քոչարեանի փոխանցմամբˋ որոշման նախագիծը նպատակ ունի խթանելու զբօսաշրջութիւնը:

Հայաստանի եւ Էմիրութիւններու միջեւ վիզայի ազատականացման շուրջ համաձայնութիւնը ձեռք բերուած էր Հայաստանի նախագահի` Արաբական Միացեալ Էմիրութիւններ կատարած այցի ընթացքին: