Օրերս «Հայաստան» համահայկական հիմնադրամը իր արժանթինահայ բարերար Յովսէփ Թահթայի ֆինանսաւորմամբ սըրվըր եւ 5 համակարգիչ  նուիրաբերած է Հայաստանի ազգային գրադարանին: Ձեռք բերուած սարքաւորումները կը համալրեն գրադարանի տեխնիկական սարքերու շարքը, կ’ընդլայնեն տպագիր տեղեկատուութեան թուայնացման ու պահպանման հնարաւորութիւնները գրադարանին մէջ: Այս մասին կը յայտնեն Հիմնադրամէն:

«Անցեալ տարի, երբ պարոն Թահթան այցելեց գրադարան, մեծ յուզմունք ապրեց` տեսնելով, որ թուայնացուող պարբերականներից մէկը Պոլսում լոյս տեսնող այն թերթն էր, որն իր մանկութեան տարիներին հայրն ընթերցում էր տանը: Մեր հայրենակիցը որոշեց շարունակել 2013թ.-ի իր գեղեցիկ նախաձեռնութիւնը, ինչի շրջանակներում գրադարանին նուիրաբերել էր այնքան անհրաժեշտ տեխնիկայ` սերուեր, լայնաֆորմատ սքաներ եւ 15 համակարգիչ»,- կը պատմէ Ազգային գրադարանի տնօրէն Տիգրան Զարգարեան եւ կը տեղեկացնէ, որ նուիրաբերուած սարքերուն շնորհիւ` այսօր 2 միլիոն մամուլի էջ, 6650 վերնագիր գիրք /1.7 միլիոն էջ/ առցանց հասանելի է հասարակութեան լայն շերտերուն:

Ներկայիս բարերարին հովանաւորութեամբ Հիմնադրամը մանկապարտէզ կը կառուցէ Արցախի Նորագիւղ համայնքին մէջ /Ասկերանի շրջան/: