Դեկտեմբեր 12-ին Ղազախստանի Քոստանա քաղաքին մէջ իսկական տօնակատարութիւն էր, որուն կը մասնակցէր նաեւ մարզի ղեկավարը: Ամփոփուեցան տարուան արդիւնքները, եւ տարբեր անուանակարգերու մէջ 12 մարդ դարձաւ դափնեկիր:

«Հայերն այսօր»-ը ուրախ է տեղեկացնելու, որ անոնց մէջ էր նաեւ մեր հայրենակից Հրաչ Մարտիրոսեանը, որ արձանագրուեցաւ Ղազախստանի երիտասարդութեան «Ոսկէ գիրքին մէջ»: Հրաչը այդ բարձր պատուին արժանացած է ոչ միայն իր գիտելիքներու, երգարուեստի եւ ազգային պարերու կատարման ոլորտին մէջ ցու­ցա­բերած յաջո­ղու­թիւններուն, այլեւ հասարակական աշխոյժ գործունէութեան, համայն­քային կեանքին մէջ ունե­ցած մեծ ներդրման համար:

Աւելցնենք, որ Հրաչ Մարտիրոսեան Սփիւռքի նախա­րա­րու­թեան «Արի տուն» ծրագիրի առաջին մասնակիցներէն է, որ հէնց այդ օրերուն իրեն համար «յայտ­նագործեց» Հայաստանը, կապուեցաւ անոր հետ ու այդ օրուընէ սկսած` ամէն տարի կ’այցելէ հայրենիք, կը մասնակցի հայապահպանական շատ ծրագիրներու:

Ի դէպ, Մարտիրոսեաններու ընտանիքը ՀՀ սփիւռքի նախարարութեան, Համաշխարհային հայկական կոնգրէսի եւ Ռուսաստանի հայերու միութեան կողմէ իրականացուող «Հայապահպանութեան գործին մէջ նշանակալի աւանդի համար» համահայկական մրցանակաբաշխութեան «Լաւագոյն հայկական ըն­տանիք» անուանակարգին մէջ այս տարի արժանացած է 3-րդ մրցանակի:

Մենք սրտանց կը շնորհաւորենք մեր հայրենակիցը: Մաղթելով անոր նորանոր յաջողութիւններ: