Ախալցխայի մէջ օրերս գրանցում ստացաւ եւ բացուեցաւ եւս մէկ հայկական կազմակերպութիւն: Կազմակերպութեան անուանումն է «Վրաստանի ժողովուրդներու ժողովրդավարական միութիւն», հիմնադիրն  է` Աշոտ Կաւալերեան:

Կազմակերպութեան հիմնական նպատակն է աջակցիլ Վրաստան բնակող հայերուն, ինչպէս նաեւ երկրի այլ բնիկ ժողովուրդներուն իրենց իրաւունքներու պաշտպանութեան գործին մէջ: Նպաստել անոնց ինքնութեան պահպանման եւ միաժամանակ աջակցիլ անոնց ընդելուզման Վրաստանի պետական եւ հասարակական կեանքին մէջ, կը գրէ akhaltskha.net-ը: