Արևելահայերեն
Русский
EnglishՄիշիկընի Նահանգապետը Ցեղասպանութեան Եւ Հոլոքոստի Պատմութեան Դասաւանդման Խորհուրդ Նշանակած Է
Միշիկընի նահանգապետ Ռիք Սնայտերը նշանակած է Ցեղասպանութեան եւ Հոլոքոստի պատմութեան դասաւանդման խորհուրդ, որ կազմուած կ’ըլլայ 15 անդամէ:
Խորհուրդը պիտի զզբաղի առարկայի դասաւանդման մեթոտի եւ ուսուցիչներու վերապատրաստման միջոցներու մշակմամբ: «Ապագայ սերունդներուն համար շատ կարեւոր է հասկնալ այն հետեւանքները, որոնք ցեղասպանութիւնը ձգած է աշխարհի մէջ: Այս խորհուրդը կարեւոր դեր պիտի խաղայ այն հարցով, թէ ինչպէս դպրոցները կրնան գնահատել Միշիկընի դպրոցներուն մէջ այս առարկայի դասաւանդումը»,- ըստ News.am-ի` ըսած է նահանգապետը:
Յիշեցնենք, որ Յունիսին Միշիկընի նահանգապետը դպրոցներուն մէջ Ցեղասպանութեան եւ Հոլոքոստի պատմութեան դասաւանդման մասին օրէնք մը ստորագրած էր:
