Dasaran կրթական ծրագիրը Միաւորուած ազգերու կազմակերպութեան (ՄԱԿ) զարգացման ծրագիրի (UNDP) եւ Impact Hub-ի նախաձեռնած Accelerate2030 միջազգային մրցոյթին ճանչցուած է լաւագոյն 5 նորարարական ծրագիրներէն մէկը, կը յայտնեն Dasaran կրթական ծրագիրի գրասենեակէն:

Առաջին անգամ իրականացուող Accelerate2030 միջազգային մրցոյթին աշխարհի 4 մայրցամաքէն մասնակցած է ընդհանուր առմամբ 177 կազմակերպութիւն, որոնցմէ որպէս լաւագոյն ընտրուած է ընդամէնը 5-ը, ներառեալ  Հայաստանը ներկայացնող Dasaran-ը:

Ըլլալով լաւագոյններու շարքին` Dasaran-ը հնարաւորութիւն  ստացած է` ս.թ. Հոկտեմբեր 6-ին Հայաստան ներկայացնելու Ժնեւի մէջ կայանալիք Սոցիալական նպատակներու գագաթնաժողովին:

«Մեր գործունէութեամբ մենք նպատակ ունենք Հայաստանն աշխարհին առաւել ճանաչելի դարձնել ոչ այնքան որպէս ցեղասպանութիւն վերապրած, որքան ժամանակակից կրթական մոտելներ ստեղծող եւ արտահանող երկիր»,-այս առթիւ նշած է Dasaran կրթական ծրագիրի հիմնադիր նախագահ Սուրէն Ալոյեան: