Արցախի Հանրապետութեան Նախագահ Բակօ Սահակեան Օգոստոս 10-ին այցելած է Շուշիի շրջան եւ Հին շէն գիւղին մէջ հանդիպած «Արցախի երիտֆորում» ամէնամեայ ծրագիրի մասնակից երիտասարդներուն հետ:

ԼՂՀ Նախագահի աշխատակազմի տեղեկատուութեան գլխաւոր վարչութեան փոխանցմամբ` հանդիպման ընթացքին արծարծուած են Արցախի պետականաշինութեան, արտաքին եւ ներքին քաղաքական ոլորտներուն, երիտասարդական քաղաքականութեան եւ շարք մը այլ բնագաւառներու վերաբերող հարցեր:

Երկրի ղեկավարը կարեւոր համարած է նման ձեռնարկներու իրականացումը` նշելով, որ ատոնք դրական ազդեցութիւն կ’ունենան երիտասարդներուն միջեւ համախմբուածութեան ամրապնդման, անոնց աշխարհայեացքի զարգացման եւ ընդլայնման վրայ: