Հայաստանի ազգային ողիմպիական կոմիտէի պաշտօնական կայքը «Ճանապարհ դէպի Ռիօ» նախագիծին մէջ կը ներկայացնէ Ողիպիական խաղերուն մէջ Հայաստանը ներկայացնող մարզիկներուն:

«Ճանապարհ դէպի Ռիօ» նախագիծի հերթկան հերոսը ծանրամարտի աշխարհի եւ Եւրոպայի ախոյեան Նազիկ Աւտալեանն է: Նազիկը հայկական ծանրամարտի կեդրոններէն մէկուն` Գիւմրիի մարզադպրոցի սան է: Ան ծնած է 1986 թուականին Հայաստանի երկրորդ ամենախոշոր քաղաքին` Գիւմրիի մէջ: Այս մասին նշուած է Հայաստանի ազգային ողիմպիական կոմիտէի կայքին մէջ:

Նազիկը մարզիկներու այն դասին կը պատկանի, որոնք կ’ապացուցեն, որ անհնարին  ոչինչ կայ: Նազիկը վթարէն ետք  Փիւնիկի պէս յառնեց եւ 2016 թուականի Եւրոպայի առաջնութեան մէջ դարձաւ հին աշխարհամասի ախոյեան: Միշտ պայքարող, միշտ ուժեղ եւ միշտ կանացի Նազիկը իր մեծագոյն նուաճումը կը համարէ իր տղան:

–Խաղերուն ի՞նչ յուռութ (թալիսման)  հետդ պիտի տանիս:

— Երբեք թալիսման չեմ ունեցած եւ այս խաղերն ալ բացառութիւն չեն:

— Նկարագրէ Ողիմպիական խաղերը երեք բառով:

-Մարզիկներու երազանքներու գագաթնակէտ:

— Որո՞ւն կ’ուզէիր կողքիդ կամ հանդիսատեսի շարքին տեսնել:

-Բնականաբար, ամուսնուս, եւ իմ տղուս` հրեշտակիս:

— Որո՞ւն հետ  առաջինը կը կիսուիս յաջողութիւնդ:

-Նախ եւ առաջ, մարզիչիս եւ, ի հարկէ, նաեւ ընտանիքիս միւս անդամներուն հետ:

— Ինչպէ՞ս կ’ուզես, որ յիշուին այս Ողիմպիական խաղերը:

-Առանց ափսոսանքի եւ ժպիտով: