Հայաստանի նախագահ Սերժ Սարգսեան եւ Ատրպէյճանի նախագահ Իլհամ Ալիեւ համաձայնութեան  եկած են Ղարաբաղի մէջ շփման գիծին վրայ եւ հայ-ատրպէյճանական սահմանին ԵԱՀԿ հսկողութեան  խումբի ընդլայնման հարցին վերաբերեալ: Այդ մասին armradio.am-ի փոխանցմամբ` այսօր Р�?А Новости-ին յայտնած է ԵԱՀԿ Մինսքի խումբի ամերիկացի համանախագահ ՃԷյմս Ուորլիքը:

«ԵԱՀԿ ՄԽ համանախագահները աշխոյժ կ’աշխատին լարուածութեան նուազման եւ հակամարտութեան խաղաղ կարգաւորման, բանակցային գործընթացքի յետագայ յառաջխաղացման համար Վիեննայի եւ Փեթերսպուրկի մէջ կայացած հանդիպումներուն ժամանակ նախագահներու ստանձնած պարտաւորութիւններու իրականացման ուղղութեամբ: Նախագահները եկած են համաձայնութեան շփման գիծի երկայնքով եւ հայ-ատրպէյճանական սահմանին ԵԱՀԿ հսկողութեան խումբի ընդլայնման հարցին շուրջ համաձայնութեան: Կը նախատեսուի հակամարտութեան կարգաւորման ուղղութեամբ ընդարձակ բանակցութիւններու շարունակութիւն` իւրաքանչիւր կողմէ բարձրաստիճան պաշտօնատար անձանց ներգրաւմամբ: Դիւանագիտական յառաջընթացը անհրաժեշտ է կողմերու միջեւ լարուածութեան նուազման համար»,- ըսած է Ուորլիք:

Յիշեցնենք, որ Հայաստանի եւ Ատրպէյճանի նախագահներու վերջին հանդիպումը տեղի  ունեցած էր Ս. Փեթերսպուրկի մէջ Յունիս 20-ին:

Հայաստանի, Ռուսաստանի եւ Ատրպէյճանի նախագահներու եռակողմ հանդիպումէն ետք  Սերժ Սարգսեան, Վլատիմիր Փութին եւ Իլհամ Ալիեւ հանդէս  եկած էին համատեղ յայտարարութեամբ: