Յուլիս 26-ի լոյս 27-ի գիշերը ղարաբաղա-ատրպէյճանական հակամարտ զօրքերու շփման գիծին վրայ հակառակորդին կողմէ հրադադարի պահպանման կարգը խախտուած է  14 անգամ, որուն ընթացքին, տարբեր տրամաչափի հրաձգային զինատեսակներ, հայ դիրքապահներու ուղղութեամբ արձակուած է աւելի քան 100 կրակոց:

ԼՂՀ ՊԲ-էն կը յայտնեն, որ բացի հրադադարի պահպանման կարգի վերոնշեալ խախտումներէն, շփման գիծի հարաւային ուղղութեամբ արձանագրուած են նաեւ հակառակորդի հետախուզական անօդաչու թռչող սարքերու թռիչքներ:

«Պաշտպանութեան բանակի յառաջապահ ստորաբաժանումները ուշադիր հետեւած են առաջնագիծին վրայ տեղ գտնող զարգացումներուն եւ համապատասխան գործողութիւններու դիմած միայն խիստ անհրաժեշտութեան պարագային»,-ըսուած է հաղորդագրութեան մէջ: