Ուրբաթ Հոկ­տեմբեր 11-ի երե­կոյեան ժա­մը 6էն սկսեալ, Լիոնի քա­ղաքա­պետա­րանի Կար­միր սրա­հին մէջ, բազ­մա­թիւ բարձրաս­տի­ճան հիւ­րե­րու, հա­րիւ­րա­ւոր բա­րեկամ­նե­րու եւ մտե­րիմ­նե­րու ներ­կա­յու­թեան տե­ղի ու­նե­ցաւ ազ­գա­յին-հանրային հան­րա­ծանօթ գոր­ծիչ Հիլտա Չոպոյեանի մե­ծարան­քի երե­կոն: Անոր կող­քին բե­մին վրայ էին Լիոնի քա­ղաքա­պետ ծե­րակու­տա­կան Ժե­րար Գո­լոն, Մեծն Լիոնի փոխ­նա­խագահ եւ Լիոնի եր­րորդ թա­ղամա­սի քա­ղաքա­պետ Թիէրի Ֆի­լիփ, Լեռ­նա­յին Ղա­րաբա­ղի Հան­րա­պետու­թեան նա­խագահ Բա­կօ Սա­հակեան, Հա­յաս­տա­նի Փա­րիզի դես­պան Վի­գէն Չի­տեչեան, Ֆրանսայի մէջ Լեռ­նա­յին Ղա­րաբա­ղի Հան­րա­պետու­թեան ներ­կա­յացու­ցիչ Յով­հաննէս Գէոր­գեան, Տէ­սինի քա­ղաքա­պետ Ժե­րոմ Սթիւրլա եւ Լիոնի քա­ղաքա­պետու­թեան մշա­կոյ­թի կցորդ բժիշկ Գէորգ Քե­փենե­կեան: Սրա­հին մէջ էին Նոր­վան Արք. Զա­քարեան, Լեռ­նա­յին Ղա­րաբա­ղի փոխ­վարչա­պետ Ար­թուր Աղա­բէկեան եւ Լեռ­նա­յին Ղա­րաբա­ղի Ար­տա­քին գոր­ծոց նա­խարար Կա­րէն Միր­զո­յեան: Արա­րողու­թեան իր շքա­խումբով ներ­կայ կը գտնուէր Ար­ցա­խի նա­խագա­հը, առ ի գնա­հատանք Հիլ­տա Չո­պոյեանի՝ Ար­ցա­խի ժո­ղովուրդին բե­րած տա­րինե­րու ծա­ռայու­թեան, մի­ջազ­գա­յին կազ­մա­կեր­պութիւննե­րու մօտ:

Հան­դի­սու­թեան բա­ցու­մը կա­տարեց Պ. Ժե­րար Գո­լոն եւ գո­վեց Հիլ­տա Չո­պոյեանի ան­ձը և գոր­ծը՝ ի նպաստ Ֆրան­սա­յի եւ հա­յու­թեան: Հիլ­տա Չո­պոյեանի կեն­սագրա­կանը ներ­կա­յացուց Պ. Թիէրի Ֆի­լիփ. թուեց անոր հա­մալ­սա­րանա­կան վկա­յական­նե­րը, մաս­նա­գիտու­թիւնն ու փոր­ձա­ռու­թիւնը Հայ Դա­տի պայ­քա­րին մէջ. պատ­մեց թէ ինչպէ՞ս ան այդ օրե­րու Հայ Դա­տի յանձնա­խումբի ըն­կերնե­րուն հետ յա­ջող­ցուց Հա­յոց Ցե­ղաս­պա­նու­թեան ըն­դունուիլը Եւ­րոպայի ­Խորհուրդին կող­մէ, Հայ Դա­տի Եւ­րո­պայի գրա­սենեակի նա­խագա­հու­թեան տաս­նեակ տա­րինե­րու ար­դիւնա­բեր աշ­խա­տան­քը, եւայլն. ապա մե­ծարեալը ինք հան­դէս եկաւ շնոր­հա­կալու­թեան խօս­քով:

… Եւ հա­սաւ երե­կոյ­թի բարձրա­կէտը, երբ ծա­փահա­րու­թիւննե­րու տա­րափին տակ Հիլ­տա Չո­պոյեան ստա­ցաւ Ֆրան­սա­յի Հան­րա­պետու­թեան բարձրա­գոյն՝ Ազ­գա­յին Ար­ժա­նեաց կար­գի Աս­պե­տի շքան­շա­նը:

Երե­կոյ­թը աւար­տե­ցաւ շքեղ պիւ­ֆէով եւ շամ­փանեով:

Շ. Թ.

Նոր Յառաջ