Ռուսաստանի Դաշնութեան ներկայացուցիչ 52 քկ քաշային հայազգի մարզիկ Միշա Ալոյեան կը համարուի այսօր Ղազախստանի Ալմաթի քաղաքին մէջ մեկնարկող բռնցքամարտի աշխարհի առաջնութեան լաւագոյնը իր քաշային կարգին մէջ: Ինչպէս կը տեղեկացնԷ «Արմէնփրէս»-ը, Լոնտոնի 2012 թ. ողիմպիական խաղերու պրոնզէ մետալակիր, 2011թ. աշխարհի ախոյեան Ալոյեան, փորձառու
մարզիկներէն միակն է որ մնացած է   ՌԴ հաւաքականի կազմին մէջ:

Բռնցքամարտը լուսաբանող գրեթէ բոլոր հիմնական հանդէսները կը կանխագուշակեն Ալոյեանին մետալ` նշելով, որ հարցը միայն մետալի որակն Է, եւ որ մարզիկը ախոյեանի կոչման իրական յաւակնորդ Է:

Նովոսիպիրսկի մէջ բնակող Ալոյեան որեւէ ցայտուն մեկնաբանութիւն չէ ըրած` սահմանափակուելով միայն երկու տարի առաջ աշխարհի ախոյեանը նուաճած կոչումը պաշտպանելու իր ցանկութիւնը արտայայտելով:

Բռնցքամարտի աշխարհի առաջնութեան կը մասնակցին հայաստանցի 6 մարզիկներ:

Հոկտեմբեր 12-ին Ալմաթիոյ մէջ իր աշխատանքը կը սկսի սիրողական բռնցքամարտի միջազգային ընկերակցութեան` ԱԻԲԱ-ի համաժողովը, որուն կը մասնակցին նաեւ ՀՀ բռնցքամարտի ընկերակցութեան նախագահ Արման Մուրատեանը եւ առաջին փոխնախագահ
Դերենիկ Գաբրիէլեանը;