Ազնուափայ´լ  Տիկ.  Հրանոյշ Յակոբեան,

Մօտիկէն հետեւելով Սփիւռքի նախարարութեան անցնող հինգ տարիներու արգասաբեր գործունէութեան, այսու կու գամ իմ շնորհաւորութիւններս յայտնելու Ձեզի եւ Ձեր ժրաջան աշխատակիցներուն՝ նախարարութեան հիմնադրութեան հինգերորդ տարեդարձի առթիւ: Դուք կարճ ժամանակի ընթացքին շատ ճամբայ կտրեցիք եւ դարձաք կարեւոր ներկայութիւն մը Հայաստան-Սփիւռք յարաբերութեանց մէջ: Արդարեւ, Ձեր ամենամեայ գիտաժողովները, խորհրդակցութիւնները, դէպի սփիւռք կատարած Ձեր ճամբորդութիւնները, հայութեան այս հատուածին հարցերն ու խնդրանքները համբերութեամբ լսելու եւ զանազան միջոցներով օգտակար հանդիսանալու փաստերը այդ կը վկայեն:

Բարի երթ կը մաղթենք Ձեր գործունէութեան եւ բազում այլ արդիւնաւէտ հնգամեակներ՝ ի փառս մեր ժողովուրդին:

Յարգանքներով՝

Դոկտ. Մինաս Գոճայեան                                                                                      

Բանասէր, ուսուցիչ, հասարակական գործիչ

ԱՄՆ