Յարգելի՛ պարոն Սարաֆեան,

Ընդունեցէք անկեղծ եւ սրտաբուխ շնորհաւորանքներս Սոցիալ Դեմոկրատ Հնչակեան կուսակցութեան կեդրոնական վարչութեան ատենապետի պատասխանատու պաշտօնին ընտրուելու առիթով:

Դուք Լիբանանի եւ Ամերիկայի մէջ Ձեր ողջ կեանքի ընթացքին եղած էք ՀՄՄ-ի գործունեայ անդամ եւ նուիրուած էք Հնչակեան կուսակցութեան, որ անցնող 129 տարիներու ընթացքին գործած է յանուն հայապահպանութեան եւ հայկական պետութեան ամրապնդման, ի օգուտ հայ ժողովուրդի բարօրութեան, հայրենադարձութեան ու ազգային վերամիաւորման։

 Յարգարժա´ն պարոն Սարաֆեան,

Վստահ եմ, ինչպէս նախորդ ղեկավարները, այնպէս ալ Դուք, հաւատարիմ կը մնաք կառոյցի որդեգրած աննահանջ եւ աներկբայ սկզբունքներուն՝ նոր լիցք եւ աւիւն  հաղորդելով մեծ աւանդ ունեցող կառոյցի գործունէութեան:

Դարձեալ կը շնորհաւորեմ Ձեզ՝ մաղթելով արդիւնաշատ աշխատանք, նորանոր յաջողութիւններ եւ նուաճումներ`    ի փառս Հայրենիք-Սփիւռք-Արցախ անքակտելի եռամիասնութեան:

Յարգանքով`

Հրանոյշ Յակոբեան