«Ատրպէյճանի արտաքին գործոց նախարարին հետ կարեւոր խօսակցութիւն  ունեցած ենք ղարաբաղեան հակամարտութեան եւ խաղաղ կարգաւորման համընդգրկուն բանակցութիւններուն վերաբերեալ», -ըստ Panorama.am-ի` Twitter-ի իր էջին վրայ գրած է ԵԱՀԿ Մինսքի խումբի համանախագահ Ճէյմս Ուորլիքը:

Դիւանագէտը նաեւ աւելցուցած է, որ կը սպասէ Յունիսին կայանալիք Հայաստանի եւ Ատրպէյճանի նախագահներու հանդիպմանը:

«Կը սպասենք Նախագահներու հանդիպմանը Յունիսին», -նշած է ան:

Նշենք, որ նախապէս ՀՀ ԱԳ նախարար Էդուարդ Նալպանտեան յայտարարած էր, որ Յունիսի սկիզբը հանդիպում կը սպասուի ԵԱՀԿ Մինսքի խումբի համանախագահներուն հետ: Ըստ նախարարին, այդ հանդիպումները պիտի ըլլան առանձին` Ատրպէյճանի եւ Հայաստանի ԱԳ նախարարներուն հետ:

«Միգուցէ այդ հանդիպումների ժամանակ մենք կը քննարկենք այն հնարաւորութիւնները, որպէսզի լիակատար իրականացուեն պարտաւորութիւնները, որոնք ձեռք էին բերուել Վիեննայում: Դա հնարաւորութիւն կը տայ հարթել ճանապարհը դէպի ապագայ բանակցութիւնների փուլ եւ, ինչու ոչ, հնարաւոր է լինի բարձր մակարդակով հանդիպում: Բացառուած չէ, եթէ բոլոր նախապայմանները ստեղծուեն եւ նախապատրաստուի այդպիսի հանդիպման հնարաւորութիւնը, ապա կարող է լինել նաեւ հանդիպում», – ըսած էր Հայաստանի արտաքին գերատեսչութեան ղեկավարը: