Վարչապետ Տիգրան Սարգսեան ընդունած է ռուսական «Ռոսդելեքոմ» ընկերութեան

նախագահ Սերգէյ Կալուկինի գլխաւորած պատուիրակութիւնը: Վարչապետը ողջունած

է ռուսական յառաջատար ընկերութիւններէն մէկուն գործունէութիւնը

Հայաստանի մէջ եւ ՀՀ կառավարութեան աջակցութիւնը յայտնած է «Ռոսդելեքոմ»-ի

կողմէ մեր երկրին մէջ տարբեր ծրագիրներու իրականացման:

Սերգէյ Կալուգինը գոհունակութիւն յայտնած է կապի ոլորտէն ներս Հայաստանի մէջ

ստեղծուած ենթակառուցուածքներէն եւ ներկայացուցած է «Ռոսդելեքոմ»-ի ներդրումային

ծրագիրները: Ռուսական ընկերութիւնը կը նախատեսէ մինչ 2017 թուականը

Հայաստանի մէջ ներդնել 26 մլն տոլար: «Ռոսդելեքոմ»-ի ղեկավարը նշած է, որ

իր գլխաւորած ընկերութիւնը յառաջիկային կը նախատեսէ իր

ծառայութիւններով մուտք գործել մեր երկրէն ներս բազմաթիւ քաղաքներ:

Այնուհետեւ կողմերը քննարկած են Հայաստանի մէջ ստեղծուող վենչուրային

հիմնադրամին եւ արդէն իսկ գործող ազատ տնտեսական գօտիի ներքոյ «Ռոսդելեքոմ»-ի հնարաւոր

ներգրաւման ուղղուած հարցեր:

gov.am