«Հայերն այսօր»ի փոխանցմամբ` Մայիս 2-ին Ուոթերթաունի մէջ տեղի պիտի ունենայ Ֆիլիփ Պրաունի եւ Թոմ Վարդապետեանի «Մերիմեքի հայերը» գիրքի շնորհանդէսը: Շնորհանդէսի ընթացքին պիտի ցուցադրուին նաեւ նկարներ` հայերու 4 սերունդներու մասին, որոնք գաղթած եւ բնակութիւն հաստատած են Մերիմեքի մէջ: Գիրքին մէջ անդրադարձ կը կատարուի հայերու կեանքի 8 ոլորտներուն` գործարար, մշակոյթ, կրթութիւն, երիտասարդութիւն, ռազմական, մարզական, եկեղեցի, համայնքային կեանք: