ՀՀ վարչապետ եւ «Հայաստանի զարգացման հիմնադրամի հոգաբարձուներու խորհուրդ»ի նախագահ Յովիկ Աբրահամեանը Հայաստանի զարգացման հիմնադրամի աշխատակազմին այսօր ներկայացուց հիմնադրամի խորհուրդի կողմէ նշանակուած գործադիր տնօրէնի ժամանակաւոր պաշտօնակատար Կարէն Մկրտիչեանը: Այս մասին կը հաղորդէ ՀՀ կառավարութեան մամուլի եւ տեղեկատւութեան գրասենեակը։

Ներկայացնելով Կարէն Մկրտիչեանը՝ վարչապետը նշեց, որ չնայած երիտասարդ տարիքին՝ պարոն Մկրտիչեանը ունի հարուստ աշխատանքային փորձ: «Ես Կարէն Մկրտիչեանին եմ ներկայացրել իմ տեսլականն ու ծրագրերը, որոնք պէտք է իրականացնի հիմնադրամը: Համոզուած եմ, որ նա իր գիտելիքներն ու փորձն առաւելագոյնս կը ներդնի՝ հիմնադրամի գործունէութիւնն էլ աւելի արդիւնաւէտ դարձնելու և մեր պայմանաւորուածութիւնները կեանքի կոչելու համար: Հիմնադրամի գործունէութեան ոլորտում ունենք լուրջ անելիքներ և համատեղ աշխատանքի շնորհիւ կը կարողանանք արձանագրել լուրջ արդիւնքներ»,- ըսաւ վարչապետը և Կարէն Մկրտիչեանին մաղթեց բեղմնաւոր աշխատանք:

Նշենք, որ գանատահայ Կարէն Մկրտիչեան վերջերս հայրենադարձ եղած էր։ Ան գործօն մասնակցութիւն բերած է Գանատայի Մոնթրէալ եւ Թորոնթօ քաղաքներու հայ համայնքներուն կեանքին մէջ։

Կարէն Մկրտիչեան մասնագիտութիւնն է մեքենագիտական երկրաչափութիւն, իսկ Մոնթրէալի Գոնգորտիա համալսարանի John Molson School of Business բաժանմունքէն վկայուած է ֆինանսագիտութեան մագիստրոսով։