Մարտ 6-ին, Անթոնիա Արսլան Տուպլինի Թանի ծխական եկեղեցւոյ մէջ հանդիպած է հայ համայնքի ներկայացուցիչներուն: Գրողը այցելած է նաեւ Տուպլինի Սուրբ Հռիփսիմէ կիրակնօրեայ դպրոց եւ հանդիպում ունեցած դպրոցի սաներուն հետ: Այս մասին «Հայերն այսօրին» կը  յայտնեն Տուպլինի հայկական համայնքէն:

Մարտ 7-ին, Տուպլինի Իտալիոյ մշակոյթի հիմնարկին մէջ ժամը` 18:30-ին, ցուցադրուած է Հայոց ցեղասպանութեան նուիրուած «Արտոյտներու Ագարակ» ֆիլմը: Մարտ 8-ին, ժամը` 18:30-ին, տեղի  ունեցած է ձեռնարկ, որուն ընթացքին Անթոնիա Արսլան խօսած է իր աշխատանքին,  գիրքերուն եւ հայկական ժառանգութեան հետ իր կապին մասին: Մարտ 9-ին, ժամը` 18:05-ին, Անթոնիա Արսլան հարցազրոյց  տուած, է  Իռլանտայի ազգային հեռուստաընկերութեան: