Ապրիլ 1 լոյս 2-ին Ղարաբաղա-ատրպէյճանական հակամարտ զօրքերու սահմանագիծի ողջ երկայնքով Ատրպէյճանի կողմէ սանձազերծուած յարձակողական գործողութիւնները իրենց շարունակութիւնը ունեցած են նաեւ անցնող գիշեր: Այս մասին կը տեղեկացնէ Լեռնային Ղարաբաղի Հանրապետութեան պաշտպանութեան նախարարութեան մամուլի ծառայութիւնը:

«Օրէ օր աւելի մեծցնելով կիրառուող զինատեսակներու տրամաչափը` Ապրիլ 4 լոյս 5-ին առաջնագիծի հարաւային ուղղութեամբ հակառակորդը կիրառած է «Սմերչ» համազարկային կրակի համակարգ: Նոյն ժամանակահատուածին հակառակորդը շարունակած  է խաղաղ բնակավայրերու եւ մարտական յենակէտերու հրետակոծութիւնները, անօդաչու թռչող սարքերու աշխոյժ կիրառումը Ղարաբաղա-ատրպէյճանական հակամարտ  զօրքերու սահմանագիծի ողջ երկայնքով, որոնցմէ մէկը ՊԲ-ի կողմէ ոչնչացուած է: Իրադարձութիւններու յետագայ զարգացման մասին՝ ﬔր յառաջիկայ հաղորդագրութիւններուն մէջ»,- ըսուած է ՊԲ հաղոդրագրութեան մէջ: