Այս տարի եւս, «Ապրիլ» գրատունը պիտի մասնակցի «Լոս Անճելըս Թայմզ»ի գիրքերու տարեկան փառատօնին՝ իր կրպակին (թիւ 144) մէջ ներկայացնելով հայկական բազմաթիւ հատորներ։

Յաջորդական 18րդ տարին ըլլալով, «Ապրիլ» գրատունը իր մասնակցութիւնը կը բերէ այս անուանի փառատօնին, որ այս տարի տեղի պիտի ունենայ Ապրիլ 9-10ի շաբաթավերջը, Հարաւային Քալիֆորնիոյ համալսարանին մէջ: Մուտքը ազատ է։

«Ապրիլ» գրատան կրպակը պիտի այցելեն շարք մը հեղինակներ, ներառեալ՝ Տան Անահիտ ՄըքՔին, Արիս Ճանիկեան, Շողակաթ Շերըն Արոյեան եւ Պիանքա Պակաթուրեան։

Յաւելեալ տեղեկութեանց համար, դիմել noor@abrilbooks.com հասցէին, կամ (818) 243-4112 թիւին:

«Լոս Անճելըս Թայմզ»ի գիրքերու փառատօնը ամէն տարի ի մի կը բերէ մօտաւորապէս 150,000 գիրքի սիրահարներ, որոնք կը ծանօթանան մօտաւորապէս 300 կրպակներու մէջ մատուցուող գիրքերու: