«ԱՌՆՈՒԱԶՆ ԵՐԵՔ ՈՐԴԻՈՎ ՍԵՂԱՆ ՆՍՏԻՆՔ»
«ՀԱՅԵՐԸ` ԱՌԱՆՑ ԾԽԱԽՈՏԻ»
«ՀԱՅԱՍՏԱՆԸ ԲՈԼՈՐ ՀԱՅԵՐՈՒՆ ՀԱՅՐԵՆԻՔՆ Է, ԵԿԷ՛Ք ՀԶՕՐԱՑՆԵՆՔ ԶԱՅՆ»
«ՀԱՅ Է ԱՆ, ՈՎ ԻՆՔԶԻՆՔ ՀԱՅ ԿԸ ԶԳԱՅ»
«ՀԱՅԸ ԻՐ ՀԱՅՐԵՆԻՔԻՆ ԾԱՌԱՅԵԼԷՆ ԲԱՑԻ ՊԷՏՔ Է ՆԱԵՒ ՀԱՅՐԵՆԻՔԻ Մէջ ՇԱՀ ՍՏԱՆԱՅ»
«ԴԱՐՁԻ՛Ր ՀԱՅ ՄՇԱԿՈՅԹԻ ԺԱՌԱՆԳՈՐԴԸ, ՏԷՐՆ ՈՒ ՊԱՇՏՊԱՆԸ ԱՄԵՆՈՒՐԵՔ»
«ՔՈՒ ՏԱՂԱՆԴԷԴ, ՇՆՈՐՀՆԵՐԷԴ ԱՓ ՄԸ ՎԵՐԱԴԱՐՁՈ՛ՒՐ ՀԱՅՐԵՆԻՔԻԴ»
«ՏԱՆ ՄԷՋ ԽՕՍԻ՛ՆՔ ՀԱՅԵՐԷՆ»
«ԱՌՆՎԱԶՆ 3 ՏԱՐԻՆ ՄԷԿ ԱՆԳԱՄ ՀԱՆԳՍՏԱՑԻ՛Ր ՀԱՅՐԵՆԻՔԻ Մէջ»
«ԳԾԷ՛ ՏՈՀՄԱԾԱՌԴ»
«ԱՄՈՒՍՆՈՒԹԻՒՒՆ, ՀԱՅՐԵՆԻՔԻՍ ՕՐՀՆՈՒԹԵԱՄԲ»
«ՀԱՅԿԱԿԱՆ ԱՆՈՒՆԸ ԵՒ «ԵԱՆ»-Ը ՔՈՒ ԻՆՔՆՈՒԹԻՒՆԴ Է ԱՇԽԱՐՀԻ ՄԷՋ»
«ԴՐԱՄԱԿԱՆ ՀԱՇԻՒ ՈՒՆԵՑԻՐ ՀԱՅՐԵՆԻՔԻ ՄԷՋ
«ԻՒՐԱՔԱՆՉԻՐ ՀԱՅ ՊԷՏՔ Է ՏԵՍՆԷ ՀԱՅԱՍՏԱՆԸ»
«ԿԱՆՔ, ՊԻՏԻ ԼԻՆԵՆՔ ՈՒ ԴԵՌ ՇԱՏԱՆԱՆՔ» Պ. ՍԵՒԱԿ
«ՈՎ ՀԱՅ ԺՈՂՈՎՈՒՐԴ, ՔՈ ՄԻԱԿ ՓՐԿՈՒԹԻՒՆԸ ՔՈ ՀԱՒԱՔԱԿԱՆ ՈՒԺԻ ՄԷՋ Է» Ե. ՉԱՐԵՆՑ

Հոմսի Սբ. Մեսրոպ եկեղեցին պիտի վերակառուցուի

Չորեքշաշբթի, Կիրակի, 16 Մարտ 2016-ին, Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանը, Ազգ. Իշխանութեան Քաղաքական Ժողովի ատենապետ՝ տիար Աւօ Ոսկեանի եւ Դամասկահայ Շտապ Օգնութեան Մարմինի անդամ տիար Պօղոս խաճարեանի հետ այցելեց Հոմսի Սբ. Մեսրոպ եկեղեցին եւ Ազգ. Սահակեան Վարժարանը: Առաջնորդ Սրբազան Հօր պատուիրակութիւնը ընդունուեցաւ Հոմսի Սբ. Մեսրոպ եկեղեցւոյ թաղականութեան ատենապետ՝ տիար Վազգէն Խաչատուրեանի եւ 70-է աւելի ընտանիքներու կողմէ:

Առաջնորդ Սրբազան Հայրը Սբ. Մեսրոպ եկեղեցւոյ մէջ, ժողովրդային հանդիպում ունեցան Հոմսահայ ընտանիքներուն հետ: Յուզիչ հանդիպման մթնոլորտին մէջ, Սրբազան Հայրը նախ մխիթարական պատգամ մը փոխանցեց ժողովուրդին, յայտնելով իր եւ Դամասկոսի Թեմի Ազգային իշխանութեան զօրակցութիւնն ու օժանդակութեան պատրաստակամութիւնը: Սրբազան Հայրը ի մասնաւորի շեշտեց եկեղեցւոյ եւ դպրոցի վերականգնման անհրաժեշտութիւնը: Ապա ուրախութեամբ յայտնեց թէ վերականգնումը պիտի սկսի այս տարուայ ամրանը: Այնուհետեւ եկեղեցւոյ մէջ տեղի ունեցաւ Արեւագալի եւ Հսկումի ժամերգութիւն եւ փառաբանական եւ գոհաբանական աղօթք, Սուրիոյ եւ ի մասնաւորի Հոմսի կայունութեան եւ խաղաղութեան համար:

Յետ ժամերգութեան Սրբազան Հայրը հանդիպում ունեցաւ Հոմսի հայութեան հետ եւ լսեց իրենց մտահոգութիւններն ու խնդիրները: Ապա Սրբազան Հայրը եւ հիւրերը շրջագայելով եկեղեցւոյ շէնքին վնասուած եւ ռմբակոծուած բաժինները հետեւեցան վերանորոգութեան նախնական աշխատանքներուն եւ քննարկեցին հնարաւոր եւ անհրաժեշտ քայլերը Եկեղեցւոյ եւ դպրոցի ամբողջական վերականգնումին առընչութեամբ:

Նշենք, որ Նոյեմբեր 2011-էն ի վեր Սբ. Մեսրոպ եկեղեցին եւ Ազգ. Սահակեան Վարժարանը նմանապէս բռնագրաւուած էին ահաբեկիչ զինեալներու կողմէ: Լռած էին եկեղեցւոյ զանգին ղօղանջներն ու աղօթքները: Դադրած էին վարժարանի դասաւանդութիւնները: Եկեղեցւոյ եւ դպրոցին շէնքը վերածուած էր զինեալներու կեդրոնի, իսկ նկուղին մէջ գտնուող սրահը՝ հիւանդանոցի: Իսկ ուսուցչաց սենեակն ու տեսչարանը դարձած էին մզկիթ աղօթավայրի, մինչ առաջին յարկին մէջ գտնուող եկեղեցին՝ հանրակացարանի եւ հաւաքական ննջասենեակի եւ Եկեղեցւոյ Սուրբ խորանը սրբապղծուած էր:

Ապա Դամասկահայ Շտապ Օգնութեան Մարմինին կողմէ ներկաներուն բաժնեց նիւթական օժանդակութիւն, քաջալերելով զիրենք դիմակայելու եւ հաղթահաելու համար իրենց քաղաքին եւ շրջանին մէջ տիրող դժուարութիւնները:

Դիւան Դամասկոսի Ազգ. Առաջնորդարանի
17 Մարտ 2016

Հոմս1Հոմս2 Հոմս3Հոմս4 Հոմս5Հոմս6 Հոմս7Հոմս8 Հոմս9

Scroll Up