2015-2016 տարեշրջանի մարզական տարին յաջող կ՛ընթանայ ՀԲԸՄ Մանուկեան-Տեմիրճեան վարժարանին համար: Դպրոցէն ներս կը գործեն բազմաթիւ մարզական խումբեր, որոնցմէ ֆութպոլի եւ պասքեթպոլի մրցաշարքերը հասան իրենց աւարտին:

Ֆութպոլի 9-12րդ դասարաններու տղոց առաջին խումբը (Varsity), մարզիչ Տիգրան Հեքիմեանի առաջնորդութեամբ, ամբողջ տարեշրջանին ընթացքին անպարտելի մնալով՝ շահեցաւ «Liberty League» մրցաշարքի առաջնութիւնը եւ դարձաւ ախոյեան՝ իրաւունք ստանալով մասնակցելու Քալիֆորնիոյ դպրոցներու միութեան (CIF) խաղերուն:

Պասքեթպոլի տղոց JV խումբը «Westside League»ի մրցումներուն առաջին դիրքը ապահովելով՝ հասաւ աւարտական հանգրուան եւ հոն եւս բոլոր մրցումները յաղթանակով աւարտելէ ետք դարձաւ ախոյեան:

Գալով աղջկանց առաջին խումբին՝ անիկա նոյնպէս «Westside League»ի մրցաշարքի առաջնութիւնը շահեցան, մինչ տղոց առաջին խումբը երկրորդ հանդիսացաւ:

Այս մասին կը յայտնէ Ազդակ: