Փետրուար 29-ին ծանր հիւանդութենէ ետք  79 տարեկան հասակին իր մահկանացուն կնքեց համայնքային գործիչ, յաջողակ դեղագործ   Ճորճ Եակուբեան: Այս մասին կը յայտնէ «Հայերն այսօր»-ը:

Ճորճ Եակուբեան Ցեղասպանութեան վերապրածներու զաւակ էր` ծնած Ֆիլատելֆիոյ մէջ: Յաջողակ դեղագէտը երկար տարիներ ծառայած է հայ համայնքին` ղեկավարելով հայկական կազմակերպութիւններ:

36 տարի շարունակ ըլլալով «Վարդանանց ասպետներ» կազմակերպութեան անդամ` 2002-ին ան ընտրուած է նաեւ իբրեւ աւագ սպարապետ: