Քիմիական գիտութիւններու դասախօս Իւան Աբրահամեան արժանացած է քիմիայի բնագաւառին մէջ հեղինակաւոր «Քրամ Լեն Փեթերսոն» մրցանակին: Այս մասին, ըստ«Հայերն այսօրի»,  կը յայտնէ «Ասպարէզը»:

Այս մրցանակը կը շնորհուի այն քիմիագէտներուն, որոնք բացառիկ հետազօտական աշխատանք կատարած են Supramolecular քիմիայի բնագաւառին մէջ եւ իրենց թեկնածուական ատենախօսութիւնը պաշտպանած են վերջին 10 տարիներուն ընթացքին:

«Ես շատ շոյուած եմ: Սա Supramolecular քիմիայի բնագաւառին մէջ ամենակարեւոր մրցանակն է, որ կրնայ ստանալ իմ տարիքի գիտնականը»,-ըսած է Իւան Աբրահամեան:

Երիտասարդ հայ գիտնականը յայտնի է մասնիկի անջատիչներու իր աշխատանքով: Յուլիսին Հիւսիսային Գորէայի մէջ ան  դասախօսութեամբ հանդէս պիտի գայ Սուպերմոլեկուլեար քիմիային նուիրուած 11-րդ  միջազգային գիտաժողովին: