Արևելահայերեն
Русский
EnglishԱրցախեան Շարժման 28-Ամեակին Նուիրուած Մտաւոր Խաղ
Փետրուար 21-ին Արցախի զօրամասերէն մէկուն մէջ կազմակերպուեցաւ «Պիտի գնանք` վաղ թէ ուշ» խորագիրով մտաւոր խաղ` նուիրուած Արցախեան շարժման 28 ամեակին: Խաղի նախաձեռնողն ու կազմակերպիչը ՀՅԴ Արցախի երիտասարդական միութիւնն էր:
aparaj.am-ի փոխանցմամբ` խաղին կը մասնակցէին` «Մոնթէ», «Մարտիկ», «Նժդեհ», «Ֆիասքօ» եւ «Դուշման» խումբերը:
Խաղի երեք փուլերու արդիւնքով յաղթող ճանչցուեցաւ «Մոնթէ» խումբը, երկրորդ տեղը գրաւեց «Ֆիասքօ» խումբը, երրորդ տեղ` «Մարտիկ» խումբը:
Զօրամասի ֆիզիքական պատրաստութեան պետ Ալեքսանդր Յարութիւնեան ողջունած է ԱԵՄ-ի նախաձեռնութիւնը եւ նշած, որ նման ձեռնարկներ աւելի յաճախ պէտք է կազմակերպուին, քանի որ կը նպաստեն մասնակիցներու մտաւոր մարզման ու բանակ-հասարակութիւն կապի սերտացման:
Մասնակից խումբերը պարգեւատրուեցան նուէրներով եւ պատուոգիրներով:
