«Լարք» երաժշտանոցի «Դիլիջան» սենեկային երաժշտութեան համերգաշարի 2015-2016 տարեշրջանի չորրորդ համերգը տեղի պիտի ունենայ Կիրակի, Փետրուար 21ին, կ.ե. ժամը 3էն սկսեալ, Լոս Անճելըսի քաղաքամէջը գտնուող «Զիփըր» համերգասրահին մէջ (200 S. Grand Ave., Los Angeles, CA 90012), իսկ անոր ընթացքին հանրութեան առաջին անգամ ըլլալով պիտի ներկայացուի յայտնի յօրինող Աշոտ Զոհրապեանի լարային երրորդ քառեակը։

Նաեւ, Լոս Անճելըսի Ֆիլհարմոնիք նուագախումբէն վերջերս հանգստեան կոչուած աւագասրինգ նուագող Միշել Զուքովսքի պիտի ներկայացնէ Տեպիւսիէն եւ Պարթոքէն գլուխ գործոցներ. այլ կատարողներու շարքին են՝ Ուոլթըր Փոնս (դաշնամուր), Կապրիէլա Տիազ (ջութակ), Քէյթ Վինսընթ (ջութ), Չարլզ Թայլըր (թաւջութակ) եւ «Դիլիջան»ի պատասխանատուներէն Մովսէս Պօղոսեան (ջութակ)։

«Դիլիջան» սենեկային երաժշտութեան համերգաշարի 11րդը հանդիսացող եւ Հայոց Ցեղասպանութեան հարիւրամեակին նուիրուած այս տարեշրջանի յայտագիրներուն մասին յաւելեալ տեղեկութեանց համար, այցելել http://larkmusicalsociety.com/dilijan կայքէջը:

Տոմսերու գինը 20 եւ 35 տոլար է, իսկ ուսանողներու համար՝ 15 տոլար:

Տեղեր ապահովելու համար դիմել (818) 500-9997 թիւին, կամ այցելել

dilijan.larkmusicalsociety.com կայքը: