Արևելահայերեն
Русский
English«Chess Challenge 2016» Մրցաշարին Արոնեանը 5-րդ Հորիզոնականին է
Զիւրիխի մէջ ընթացող «Chess Challenge 2016» մրցաշարին կայացած են անակնկալ խաղեր, որոնց ընթացքին Լեւոն Արոնեանը կրած է 3 պարտութիւն:
Ըստ Artsakhpress.am-ի՝ հայ շախմատիստը զիջած է Անանտին, Գրամնիկին եւ Նագամուրային: Ոչ ոքի խաղացած է Կիրիի հետ եւ յաղթած Շիրովին: Մրցաշարի 1-ին եւ 2-րդ շրջանի հանդիպումներէն յետոյ վաստակած 5,5 միաւորով Արոնեանը յայտնուած է նախավերջին 5-րդ հորիզոնականին։
Մրցաշարի յաղթող ճանչցուած է Նագամուրան` 10,5 միաւորով: Նոյնքան միաւոր ունի նաեւ Անանտը, որ զիջած է առաջատարին լրացուցիչ ցուցանիշներով: Երրորդ հորիզոնականին` 9,5 միաւորով Գրամնիկն է: Չորրորդ հորիզոնականին է Կիրին, որ հաւաքած է նոյնքան միաւոր, որքան Արոնեանը, սակայն լրացուցիչ ցուցանիշներով առաջ անցած է հայ շախմատիստէն: Մրցաշարային աղիւսակը կ՝եզրափակէ Շիրովը` 3,5 միաւորով:
