Ֆրեզնոյի Հայկական թանգարանի ցուցադրասրահին մէջ, Փետրուար 15ին պիտի սկսի արուեստի ստեղծագործութեան ցուցահանդէս մը, որուն ընթացքին պիտի ներկայացուին Հայաստանէն ժամանած երկու արուեստագէտներու՝ Արթուր Սարգսեանի եւ Մարինա Մամեանի աշխատանքները:

Արուեստագէտները ներկայ պիտի ըլլան նաեւ ցուցահանդէսի պաշտօնական բացման ընդունելութեան, որուն ընթացքին տեղի պիտի ունենայ հիւրասիրութիւն: Ընդունելութիւնը պիտի կայանայ Փետրուար 19ին, երեկոյեան ժամը 6-9: Մուտքը ազատ է:

Ցուցահանդէսը պիտի տեւէ մինչեւ Ապրիլ 15։

Ֆրեզնոյի Հայկական թանգարանի հասցէն է 550 East Shaw Avenue, Fresno, CA 93710։

Յաւելեալ տեղեկութիւններու համար, դիմել (559) 224-1001 թիւին կամ այցելել թանգարանի կայքը՝ armof.org հասցէին։