Պոլսահայ լրագրող, «Ակօս» պարբերականի հիմնադիր եւ գլխաւոր խմբագիր Հրանդ Տինքի սպանութեան իններորդ տարելիցի առնչութեամբ յիշատակի արարողութիւններ տեղի կ’ունենան աշխարհի տարբեր երկիրներու մէջ: Ինչպէս կը հաղորդէ «Արմէնփրէս»­-ը, Յունուար 19-­ին յիշատակի արարողութիւններ կը կայանան Թուրքիոյ երեք քաղաքի` Սթամպուլի, Անգարայի եւ Պուրսայի մէջ:

Գերմանիոյ Պեռլին եւ Քեօլն, Շուէտի Սթոքհոլմ քաղաքները եւս միացած են Տինքի յիշատակին` ձեռնարկներ կազմակերպով քաղաքներու թիւին: Գանատայի մայրաքաղաք Օթաուայի մէջ յիշատակի արարողութիւնը տեղի կ’ունենայ Յունուար 24­-ին, իսկ Ֆրանսայի մայրաքաղաք Փարիզի մէջ` Փետրուար 8-­ին:

Յունուար 19­-ին Երեւանի մէջ եւս կը նախատեսուի ձեռնարկ, որուն մասնակիցները 17:00­-ին կը հաւաքուին քաղաքապետարանին մօտ` իրականացնելով ստորագրահաւաք եւ պահանջելով, որ քաղաքի փողոցներէն մէկը անուանուի Տինքի անունով: Ստորագրահաւաքէն ետք ներկաները քայլերթ կ’իրականացնեն դէպի Հանրապետութեան հրապարակ