Նախորդ Տարուան Համեմատ 774 Թոնով Աւելի Թարմ Պտուղ-Բանջարեղէն Արտահանուած Է

Յունուար 18-ի դրութեամբ Հայաստանի Հանրապետութենէն ընդհանուր առմամբ արտահանուած է 1313 թոն թարմ պտուղ-բանջարեղէն` նախորդ տարուան նոյն ժամանակահատուածի 539 թոնի փոխարէն:
Ըստ News.am-ի՝ ՀՀ գիւղատնտեսութեան նախարարութենէն յայտնած են, որ ներառեալ` արտահանուած է 259 թոն վարունգ` նախորդ տարուան նոյն ժամանակահատուածի 0 թոնի փոխարէն, 197 թոն լոլիկ` նախորդ տարուան նոյն ժամանակահատուածի 2 թոնի փոխարէն, 294 թոն գետնախնձոր` նախորդ տարուան նոյն ժամանակահատուածի 6 թոնի փոխարէն, 76 թոն կանաչեղէն` նախորդ տարուան նոյն ժամանակահատուածի 32 թոնի փոխարէն:
Այսօրուան դրութեամբ հանրապետութենէն արտահանուած է նաեւ 184 թոն խնձոր` նախորդ տարուան նոյն ժամանակահատուածի 3 թոնի փոխարէն, 135 թոն խաղող` նախորդ տարուան նոյն ժամանակահատուածի 116 թոնի փոխարէն:
Հայկական թարմ պտուղ-բանջարեղէնը արտահանուած է Ռուսաստանի Դաշնութիւն, Վրաստան, Զուիցերիա: