Հայ-Ատրպէյճանական Զօրքերու Շփման Գիծին Պատերազմ Է` Հրադարար, Ըստ Էութեան Չկայ: Այս Մասին Լրագրողներուն Ըսած Է ՊՆ Մամլոյ Խօսնակ Արծրուն Յովհաննիսեան:

Ան նշած է, որ ըստ էութեան ստեղծուած է  իրավիճակ մը, ուր հայկական կողմի գործողութիւններու արդիւնաւէտութիւնը կ’որոշուի ոչ թէ 1 կամ 2 զոհով, այլ` հակառակորդի նպատակադրուած խնդիրներու խափանմամբ, կը նշէ «Փաստինֆոն»:

«Հակառակորդն իր առջեւ լուրջ խնդիրներ է դնում, սակայն ոչ մի անգամ դրանք չի լուծում, լուրջ նպատակների մասին է փաստում այն, որ նա զէնքի տրամագիծը հասցրեց է տանկի կամ «Դ 30 հաուպիցի», – ընդգծած է Յովհաննիսեան

Միաժամանակ ան նկատած է, որ Դեկտեմբեր 22-ին իրավիճակը շփման գիծին բաւականին հանգիստ եղած է:

«Հրադադարի քիչ խախտումներ են եղել` մէկ-երկու տասնեակի հասնող հրադադարի ռեժիմի խախտման դէպքերը ընթացիկ են ու առօրեայ են համարւում: Մեր կողմից զոհուած զինուորները հիմնականում պայմանագրային զինծառայողներ են, այլ ոչ թէ ժամկէտային: Այսինքն` թշնամին փորձում է հիւծել մեր ոսկէ ֆոնդը», – ըսած է Յովհաննիսեան, կը մէջբերէ «Ա1+»-ը:

ՊՆ խօսնակը նշած է նաեւ, որ ՀՀ սահմանային դիրքերուն ու գիւղերուն ուղղութեամբ վերջին շրջանին կրակոցներ քիչ  եղած են: Ինչ կը վերաբերի թշնամիի կողմէ  արկակոծման, ապա ՊՆ մամլոյ խօսնակը նկատած է, որ ատիկա այնքան ազդու չէ, որքան հրետանին. «Խնդիրն այն է, որ տանկը առաջնագծում չի գտնւում, եւ այն յատուկ է բերւում դիրք: Ատրպէյճանի կողմից էլ աւելի վատ էսկալացիա է տեղի ունեցել, երբ կիրառուել է «Դ-30», – ըսած է ան:

Խօսելով ատրպէյճանական կողմի զոհերու մասին, Յովհաննիսեան նշած է, որ միայն տարուան վերջը կ’ունենան զոհերու թիւի մօտաւոր պատկեր. «Այս պահի դրութեամբ կարող եմ ասել, որ ատրպէյճանական կողմից զոհերի թիւն անցնում է երկու հարիւրից: Վերջնական թուեր նշելը դժուար է, քանի որ պէտք է տարբեր աղբիւրներից ամբողջականացնել»:

Ինչ կը վերաբերի ՀԱՊԿ-ի արձագանքին սահմանային լարուածութեան վերաբերեալ, Յովհաննիսեան ատիկա քաղաքական հարց համարեց, որուն պատասխանելը ան չի համարեր իր լիազօրութիւնը:

Անդրադառնալով վերջին օրերուն շփման գիծին առկայ լարուածութեանն ու ատրպէյճանական ներթափանցման գործողութիւններուն` խօսնակը նշած է, որ ատոնք հիմնականին մէջ կ’ունենան քաղաքական դրդապատճառներ.

«Դրանք կարող են լինել եւ Սարգսեան-Ալիեւ հանդիպման, եւ Ատրպէյճանի ներքաղաքական տարբեր զարգացումների հետեւանք, ինչպէս նաեւ` հայ հանրութեան վրայ ազդելու նպատակ ունենան: Ատրպէյճանն այս տարի կիրառել է սպառազինութեան իր ամբողջ գամման. զինամթերքի տեսակ չկար, որ չկիրառուեց: Ի դէպ, պարտադիր չէ, որ հայկական կողմը նոյն ռազմամթերքով պատասխանի. կարելի է տասը արկին մէկ արկով պատասխանել ու արդիւնքն աւելի լաւը ու դիպուկ լինի: Ու, ընդհանրապէս, ճիշտ չէ նոյն ռազմատեխնիկայով պատասխանելը»:

Դեկտեմբեր 19-ին եւ լոյս 20-ի գիշերը ղարաբաղա-ատրպէյճանական հակամարտ զօրքերու շփման գիծին շարունակուած են զինուած բախումները:

Ինչպէս կը յայտնէ Լեռնային Ղարաբաղի Պաշտպանութեան բանակի մամլոյ ծառայութիւնը, նշուած ժամանակահատուածին հակառակորդին կողմէ հայ դիրքապահներու ուղղութեամբ արձակուած է աւելի քան 1800 կրակոց տարբեր տրամաչափի հրաձգային զինատեսակներէ: Կիրառուած են նաեւ 60-մմ (170 արկ), 82-մմ (201 արկ), 120-մմ (1 արկ) ականանետեր, Հհն-9 (1 արկ), Հան-17 (16 արկ) եւ Ռպգ-7 (1 արկ) տիպի նռնականետեր, TR-107 (3 արկ) տիպի հրթիռային կայանք: Հակառակորդը շփման գիծի հիւսիսարեւելեան (Մարտակերտ) ուղղութեամբ կիրառած է նաեւ հրասայլ (12 արկ):

ՀՀ պաշտպանութեան նախարարութիւնը, իր հերթին, կը հաղորդէ, որ ատրպէյճանական զօրքերու յետ քաշման պատճառով` հակառակորդին կողմէ աւելցած են կրակի խորութիւնը եւ զօրութիւնը: Հրաձգութեան դէպքերը շփման գիծի ամբողջ երկայնքով գերազանցած են երկու հարիւրը: