Հակառակորդը կը շարունակէ տարբեր տրամաչափի հրաձգային, ականանետային եւ հրթիռային զինատեսակներէ խախտել հրադադարը։ Այս մասին կը տեղեկացնէ Լեռնային Ղարաբաղի պաշտպանութեան նախարարութիւնը:

Հաղորդագրութեան համաձայն` Դեկտեմբեր 6-ին եւ լոյս 7-ին Լեռնային Ղարաբաղի եւ Ատրպէյճանի զօրքերու սահմանագծին հակառակորդի կողմէն հրադադարը խախտուած է շուրջ 240 անգամ, տարբեր տրամաչափի հրաձգային զինատեսակներէ, ինչպէս նաեւ 60 (140 արկ), 82 (415 արկ), 120 (67 արկ) միլիմեթրանոց ականանետերէ, Հան-17 (20 արկ) եւ Ռպգ-7 (2 արկ) տիպի նռնականետերէ հայ դիրքապահներու ուղղութեամբ արձակուած է աւելի քան 4300 կրակոց: Հակառակորդը կիրառած է նաեւ TR-107 տիպի զենիթահրթիռային կայանք (63 արկ):

«Պաշտպանութեան բանակի առաջապահ զօրամասերը լիակատար վերահսկողութիւն են պահպանում առաջնագծում եւ շարունակում վստահօրէն իրականացնել մարտական հերթապահութիւն», – կը փոխանցէ Լեռնային Ղարաբաղի ռազմական գերատեսչութեան մամուլի ծառայութիւնը: