Հակառակորդի ձեռնարկած գործողութեան հետեւանքով զոհուած զինծառայող Էրիկ Գրիգորեանը այսօր պիտի զօրացրուէր: Այս մասին, ըստ News.am-ի, ըսած է Սիւնիքի մարզի Շաքիի գիւղապետ Վահան Ղազարեան, որուն համագիւղացին է այս գիշեր զոհուած զինծառայողը:

«Այսօր պէտք է զօրացրուէր, ընտանիքում սպասում էին, այն էլ առաւօտեան իմացանք, որ զոհուել է… Սարսափելի բան է, ընտանիքում Էրիկի վերադարձին էին սպասում»,- ըսած է գիւղապետը:

Էրիկը տան փոքրն էր, իրմէ մեծ 3 եղբայր եւ 1 քոյր ունէր: Գրիգորեանները կ՝ապրին ծանր պայմաններու մէջ:

Յիշեցնենք, որ ԼՂՀ ՊԲ-ն այսօր յայտնած էր, որ ժամը 04:30-ի սահմաններուն ղարաբաղա-ատրպէյճանական հակամարտ զօրքերու սահմանագծի հիւսիսարեւելեան (Թալիշ) ուղղութեամբ հակառակորդը ձեռնարկած է հետախուզական ներթափանցման հերթական փորձ: ՊԲ յառաջապահ ստորաբաժանումները ժամանակին հաւաստանշած են ատրպէյճանական յատուկ ջոկատայիններու առաջխաղացումը եւ կորուստներ պատճառելով` ետ շպրտած իրենց ելման դիրքերը: Ցաւօք, ծաւալուած մարտերու ընթացքին զոհուած է ՊԲ զինծառայող, 1995թ. ծնունդ Էրիկ Էդիկի Գրիգորեանը: