Դժուար է հասկնալ ու ընդունիլ այն, ինչ տեղի ունեցաւ Փարիզի մէջ: Այս մասին յայտարարած է ֆրանսահայ նկարիչ Ալէն Պերպերեան, որուն «Փարիզ, Նոյեմբեր 2015» նկարը պիտի յայտնուի New Yorker ամսագիրի յաջորդ համարի շապիկին:

Ըստ NEWS.am-ի` ֆրանսական LCI նորութիւններու ալիքին տուած հարցազրոյցին Պերպերեան նշած է. «Ես պատկերած եմ նկար մը, ուր մարդիկ երջանիկ են: Ես կ’ուզէին ազատուիլ լարուածութենէն: Ես տեսայ «Գոզա Նոստրա» ճաշարանի յարձակման նկարները, ես տեսայ տեսախցիկներու նկարածը, թէ ինչպէս  մարդիկ կը պառկին գետինը:

Դժուար է այդ ամէնը հասկնալ ու ընդունիլ: Հիմա կեանքը բաժնուած է «առաջ» եւ «յետոյ»-ի, բայց ես կ’ուզեմ ցոյց տալ կեանքը, որ կը շարունակուի: Մարդիկ կը շարունակեն ապրիլ, երեկոներ անցնել. Ծաղկեփունջերով յիշելով զոհուածները»: