ՄԻՇԸՆ ՀԻԼԶ.- Հովանաւորութեամբ «Արարատ-Էսքիճեան» թանգարանին, Հայաստանի Հայոց Ցեղասպանութեան թանգարան-հիմնարկին, Հայագիտական ուսմանց եւ ուսումնասիրութեանց միութեան, ինչպէս նաեւ Պոլսահայ միութեան եւ Քալիֆորնիոյ Մուսա Լեռ միութեան, Կիրակի, Նոյեմբեր 15ին, կ.ե. ժամը 4ին, Քալիֆորնիոյ նահանգային համալսարանի Նորթրիճի մասնաճիւղի Հայագիտական ծրագիրի վարիչ դոկտ. Վահրամ Շէմմէսեան պիտի խօսի իր մուսալեռցիի արմատները պեղելու ոդիսականին մասին։
«Արարատ-Էսքիճեան» թանգարանի «Շին» մատուրին մէջ կայանալիք դասախօսական սոյն ձեռնարկին ընթացքին, ան պիտի նկարագրէ Լիբանանի քաղաքացիական պատերազմի տարիներուն Այնճարէն սկսած, մինչեւ Մուսա լերան մասին վերջերս հրատարակած իր հատորին՝ «Մուսա Լերան Հայերը. Ընկերային-Տնտեսական Եւ Մշակութային Պատմութիւն (1919-1939)»ին (անգլերէնով) հասած իր ճամբուն մանրամասնութիւնները։ Աւարտին, ան պիտի մակագրէ հատորէն օրինակներ։
Մուտքը ազատ է եւ տեղի պիտի ունենայ հիւրասիրութիւն։
Թանգարանին հասցէն է՝ 15105 Mission Hills Road, Mission Hills, CA 91345: Յաւելեալ տեղեկութեանց համար, դիմել (747) 500-7585 թիւին կամ ararat-eskijian-museum@netzero.net հասցէին:

Այս մասին կը յայտնէ Ասպարէզ: