Թուրքիոյ Պիթլիս քաղաքին մէջ գտնուող հայկական Կարմրակ Սուրբ Նշան եկեղեցին պիտի վերանորոգուի ու դառնայ Պիթլիսի քաղաքային թանգարան, կը գրէ News.am-ը:

Ինչպէս կը տեղեկացնէ Պիթլիսի քաղաքապետարանը, Պիթլիսի մէջ գտնուող հայկական Կարմրակ Ս․ Նշան եկեղեցւոյ վերանորոգումը իրականացնելու գումարը ստանալու համար քաղաքապետարանը դիմում  տուած էր «Արեւելեան Անատոլիոյ զարգացման գործակալութիւն» (DAKA), որ արդէն հաստատած է զայն:

Եկեղեցւոյ վերանորոգումէն յետոյ այն պիտի դառնայ Պիթլիսի քաղաքային թանգարան:

Նշենք, որ Պիթլիսի Կարմրակ Սուրբ Նշան եկեղեցւոյ բակին մէջ թաղուած է յայտնի հայ հայդուկապետ Աղբիւր Սերոբի գլուխը: