Հոկտեմբեր 12-ին, ժամը 19.00-ին  Հ. Պարոնեանի անուան երաժշտական երգիծական պետական թատրոնին մէջ տեղի պիտի ունենայ ՀՀ սփիւռքի նախարարութեան նախաձեռնութեամբ  եւ աջակցութեամբ հրատարակուած «Ազգային երգարան գրպանի» 21-հատորեայ ժողովածուի շնորհանդէսը, որուն ներկայ պիտի ըլլան ՀՀ առաջին տիկին Ռիտա Սարգսեան, ՀՀ սփիւռքի  նախարար Հրանոյշ Յակոբեան, պաշտօնական անձիք, արուեստագէտներ, հիւրեր:

Ողջոյնի խօսքով հանդէս պիտի գան  ՀՀ սփիւռքի  նախարար Հրանոյշ Յակոբեան եւ երգահան Տիգրան Մանսուրեան:

Սիրուած երգերու կատարումներով ելոյթ կ’ունենան յայտնի երգիչ երգչուհիներ:

«Ազգային երգարան գրպանի» 21-հատորեայ ժողովածուն, որ կը ներառէ  659 երգ, կազմած է Սամուէլ Հարոյեան: