Արաբական Միացեալ Էմիրութիւններու եւ Քաթարի կաթողիկոսական փոխանորդ Տէր Մեսրոպ Վրդ. Սարգիսեանի գլխաւորութեամբ Շարժայի Փիեր Քէոսեան սրահին մէջ տեղի  ունեցած է Շարժայի Ս. Գրիգոր Լուսաւորիչ եկեղեցւոյ կիրակնօրեայ վարժարանի ուսումնական տարուան վերամուտը:

«Արմէնփրէս»­-ի փոխանցմամբ` այս առիթով Հայր Սուրբը հանդէս  եկած է  խօսքով` մանուկներուն ու պատանիներուն յորդորելով պահել Քրիստոսի հանդէպ ունեցած սէրը եւ ամրապնդել այն աղօթքով: Իր խօսքի աւարտին Հայր Սուրբը բարձր  գնահատած է վարժարանի աշխատակազմի գործունէութիւնը, որ մեծ աշխատանք կը տանի կիրակնօրեայ վարժարանը գաղութի զաւականերուն համար աւելի սիրելի դարձնելու ուղղութեամբ: