“ճանաչողական այց” ծրագրի շրջանակներու մէջ Թուրքիայէն (Սթամպուլ) ժամանած “Լուսաւորիչ” երգչախումբի խմբավար Յակոբ Մամիկոնեան, երգահան Մաժակ Թոշիկեանը, երգիչներ Պօղոս Եղիազարը եւ Սահակ Պարթեւ Կարէյեանը այցելած են Մալաթիա-սեբաստիա վարչական շրջանի ալ.Աճեմեանի անուան երաժշտական դպրոց, մասնակցած Ցեղասպանութեան 100-րդ տարելիցին նուիրուած ձեռնարկին: Այս մասին :Հայերն այսօր”—ը կը տեղեկանայ Մալաթիա-Սեբաստիա վարչական շրջանի Ֆէյսպուքեան էջէն:

Մալաթիա-Սեբաստիա վարչական շրջանի ղեկավարի աշխատակազմի կրթութեան, մշակոյթի եւ սպորտի բաժնի պետ Լիանա Դաւթեան շնորհակալութիւն յայտնած է հրաշալի կատարումներու համար եւ իր ելոյթի մէջ կարեւորած Սփիւռք-հայրենիք կապը, ընդգծելով յատկապէս Երեւանի քաղաքապետարանի եւ Սփիւռքի նախարար Հրանոյշ Յակոբեանի հետեւողական աշխատանքը` աշխարհով մէկ սփռուած հայկական համայնքներու հետ:
հանդիպման աւարտին Մալաթիա-Սեբաստիա վարչական շրջանի ղեկավարի կողմէն սփիւռքահայ հիւրերուն յուշանուէրներ յանձնուած են: