Եւրոպայի մէջ փախստականներու ճգնաժամը սկսելէն ետք, Հայաստանը մի քանի հազար սուրիացիներ ընդունած է, մասնաւորապէս` քրիստոնէական հայկական համայնքի ներկայացուցիչներ: Այդ մասին news.am-ի փոխանցմամբ` կ’ըսուի BBC News-ի յօդուածի մէջ:

ՄԱԿ-ի փախստականներու գործակալութեան  (UNHCR) տուալներով, ճգնաժամի սկիզբէն մինչ օրս 15 հազար սուրիացիներ հաստատուած են Հայաստանի մէջ:

Փախստականներու մեծ մասը Ցեղասպանութենէն փրկուածներու ժառանգներն են: 1915թ.-էն ետք Տէր Զօրի շրջանը դարձած էր  անապատի միջով “մահուան երթ”-էն փրկուած հայերու կեցութեան հիմնական վայրը:

Բայց մէկ դար անց սուրահայերը կ’ուղեւորուին Պէյրութ, ուրկէ օդանաւերով կու գան Հայաստան: