2015թ. Սեպտեմբեր 1-ին Հռոմի մէջ մեկնարկած է Հայ Կաթողիկէ Եպիսկոպոսաց արտահերթ Սինոդի աշխատանքը: Սա առաջին սինոդն է` Տանն Կիլիկիոյ Նորընտիր Կաթողիկոս Պատրիարք Ամէն. Տ. Գրիգոր Պետրոս Ի-ի նախագահութեամբ: Այս մասին կը հաղորդէ armenianchurchco.com կայքը:

Ժողովի նիստերը տեղի կ’ունենան Հռոմի Լեւոնեան վարժարանին մէջ: Նիստերը կ’աւարտեն 2015թ. Սեպտեմբեր 10-ին:

Սինոդին կը մասնակցին Հայ Կաթողիկէ բոլոր եպիսկոպոսները եւ կը քննարկեն Հայ Կաթողիկէ Եկեղեցւոյ թեմերուն ու պատրիարքութեան առընչուող անյետաձգելի հարցեր, կ’ուսումնասիրեն խնդիրներու լուծման կարելիութիւնները: Նիստերուն ընթացքին տեղի պիտի ունենան եպիսկոպոսներու, Կաթողիկոս Պատրիարքի տեղակալի, պատրիարքարանի դիւանի պատասխանատուի ընտրութիւնները:

 Սինոդի աշխատանքներուն մասնակցող Արհ. Տ. Ռաֆայէլ արքեպս. Մինասեան տեղեկացուց, որ եկեղեցական խորհուրդի հայրերը շնորհակալական նամակ ուղարկած են Հռոմի Սրբազան Քահանայապետին` սոյն թուականի Սեպտեմբեր 7-ին Հռոմի Սուրբ Մարթայի տաճարին մէջ Նորին Սրբութեան նախագահութեամբ եւ կաթողիկէ հայոց Կաթողիկոս Պատրիարքի ու եպիսկոպոսներու համապատարագութեամբ մատուցուելիք Սբ. Պատարագին համար: