Իրավիճակը հայ-ատրպէյճանական եւ Արցախ-ատրպէյճանական սահմանին կը շարունակէ մնալ լարուած, սակայն հայկական բանակը, տիրապետելով խնդիրներուն, կը կարենայ համապատասխան հակահարուած տալ եւ պահպանել սահմանային անդորրը:

ՀՀ պաշտպանութեան նախարար Սէյրան Օհանեան ըսած է, որ վերջին օրերուն հակառակորդը գործածած է ականանետեր, իրականացուցած է խափանարարական հետախուզութեան փորձեր, որոնք, սակայն, յաջողութեամբ կանխուած են:

«Սահմանային լարուածութիւնն առկայ է: Կրակոցների թիւը մէ՛կ աւելանում, մէ՛կ պակասում է, եւ այս վերջին ժամանակահատուածում Հայաստանի եւ Արցախի սահմանին կրակում են ականանետերից: Հայկական Զինուած ուժերը բոլոր միջոցառումների իրականացումն են առաջին գծում` անվտանգութեան խնդիրների ապահովում, հակառակորդին հետեւելը եւ համապատասխան կանխարգելիչ միջոցառումների իրականացումը: Հակառակորդը դիւերսիոն հետախուզուութեան մի քանի փորձեր կատարել է, որոնք յաջողութեամբ կանխուել են»  ըսած է Սէյրան Օհանեան:

Նախարարը նաեւ աւելցուցած է, որ հայկական զինուժը իրավիճակը կը վերահսկէ եւ ժողովուրդը կրնայ  հանգիստ ըլլալ, քանի որ հայկական բանակը իր խնդիրներուն կը տիրապետէ եւ ինչպէս Արցախեան գոյամարտի տարիներուն այնպէս ալ այսօր, անոնք փայլուն կերպով կ՛իրականացնէ: