ԱՄՆ Հարաւային Քոնեքտիքուտի պետական համալսարանին մէջ Սեպտեմբեր 10-էն Հոկտեմբեր 18 պիտի բացուի Տիլտիլեան եղբայրներու ընտանեկան արխիւէն ընտրուած լուսանկարներու ցուցահանդէսը: Լուսանկարները  կը պատկանին  1872-1923 թուականներուն: Ընտանիքի երրորդ սերունդի ներկայացուցիչ Արմէն Ցոլակ Մարսուբեանի հաւաքած լուսանկարներու հաւաքածուին մէջ կայ 900 լուսանկար:

The Armenian Mirror Spectator շաբաթաթերթի փոխանցմամբ` լուսանկարներու ցուցադրութիւնը նուիրուած է Հայոց ցեղասպանութեան, կը գրէ Արցախփրէսը:

19-րդ դարու Անատոլիոյ հասարակական կեանքը եւ Հայոց ցեղասպանութեան  շարք մը դրուագներ պատկերող լուսանկարներու հաւաքածուն այժմ կը պատկանի Հարաւային Քոնեքտիքուտի պետական համալսարանի փրոֆէսոր Արմէն Մարսուբեանին եւ Ցոլակ Տիտիլեանին:  Ցոլակ եւ Արամ Տիլտիլեանները լուսանկարիչներ  եղած են Օսմանեան կայսրութեան մէջ եւ աշխատած են Մերզիֆոնի Անատոլիա քոլեջին մէջ:

Անգլալեզու շաբաթաթերթի հաղորդմամբ` ցուցահանդէսի բացման արարողութեան Հարաւային Քոնեքտիքուտի պետական համալսարանի տնօրէն Մերի Փափազեան համալսարանի նախագահի մետալով կը պարգեւատրէ Խաչատուր Աբովեանի անուան հայկական պետական մանկավարժական համալսարանի տնօրէն Ռուբէն Միրզախանեանին` Հայաստանի մէջ կրթութեան որակը բարձրացնելու  համար:

Լուսանկարներու ցուցահանդէսը ցուցադրուած է Սթամպուլի, Մերզիֆոնի  եւ Տիարպերքիրի մէջ: Կը նախատեսուի ցուցադրութիւն կազմակերպել նաեւ Լոնտոնի, Անգարայի, Երեւանի եւ Ուոթերթաունի մէջ: