Թրքական «Ուլուսալ Քանալ»-ի կայքը կը հաղորդէ, որ Գերմանիոյ Տուիզպըրկ Էսսեն համալսարանը որոշած է արգիլել Հայոց ցեղասպանութեան իրողութեան հակասող տեսակէտներու քննարկումը:

Համալսարանի թուրք ուսանողները պարտադրուած են 1915-ին տեղի ունեցածը ներկայացնել իբրեւ «հայերու ջարդեր»:

Ատոր իբրեւ պատասխան` «Խաղաղութեան եւ երկխօսութեան» միութիւնը նիւթին լուսաբանման համար աշխատանքներու կը ձեռնարկէ:

Անոնք համալսարանէն կը պահանջեն բաց նիստ իրականացնել, սակայն համալսարանը ատիկա չէ արտօնած:

Միութիւնը հարցին առնչութեամբ բանաձեւ ներկայացուցած է համալսարանի ղեկավարութեան, սակայն այդ ալ չէ ընդունուած:

Թուրքերը փորձած են համալսարանի հանրակացարանին մէջ թռուցիկներ բաժնելով ներկայացնել նիւթին առնչութեամբ իրենց դիրքորոշումը, սակայն անսպասելի արդիւնքի հասած են: Ոստիկանութիւնը հանրակացարան եկած եւ արգիլած է ցրուել թռուցիկները: