Ֆրանսական KTOTV հեռուստաընկերութիւնը եօթմասանոց հաղորդում կը ցուցադրէ` նուիրուած Գրիգոր Նարեկացիին: Ինչպէս կը հաղորդէ Armenews­-ը, հաղորդումը, որ թարգմանաբար կը կոչուի «Անոր խօսքը հաւատքն է», կը պատմէ Գրիգոր Նարեկացիի գործունէութեան, անոր դերակատարութեան մասին:

Հաղորդման հեղինակը ֆրանսացի լրագրող եւ բեմադրիչ Ռեժի Պարնետն է: Հաղորդման անդրանիկ մասը եթեր կը հեռարձակուի Օգոստոս 30-­ին:

Վատիկանի Սուրբ Պետրոսի տաճարին մէջ Ապրիլ 12-­ին, Հայոց Ցեղասպանութեան 100-րդ տարելիցին նուիրուած Սուրբ պատարագին, Հռոմի Ֆրանչիսկոս պապը Սուրբ Գրիգոր Նարեկացիին հռչակած է Տիեզերական եկեղեցւոյ վարդապետ:

Գրիգոր Նարեկացին Տիեզերական եկեղեցւոյ 36-­րդ վարդապետն է, երկրորդը` Արեւելքէն: