Թուրքիոյ  հայկական միակ գիւղը` Վաքըֆլըն, որ տեղական ինքնակառավարման մարմիններու ընտրութիւններէն յետոյ կորսնցուց գիւղի կարգավիճակը եւ այժմ կը համարուի թաղամաս, կը պատրաստուի Հայ առաքելական եկեղեցւոյ Սուրբ Աստուածածնի Վերափոխման տօնին: Ինչպէս կը հաղորդէ «Արմէնփրէս»­-ը, այս մասին կը տեղեկացնէ Սթամպուլի հայկական «Ակօս» պարբերականը:

Վաքըֆլըի նախկին գիւղապետ Պերչ Քարթուն յոյս  յայտնած է, որ տօնակատարութեան ժամանակ իրենց գիւղը շատ այցելուներ կ’ունենայ: «Կը հրաւիրենք մեր բոլոր ընկերները կիսելու մեր ոգեւորութիւնը»,­-նշած է ան:

Սուրբ Աստուածածնի Վերափոխման տօնի ժամանակ Վաքըֆլըի մէջ ելոյթ կ’ունենայ Սթամպուլի «Ոմանք» խումբը, տեղի արուեստագէտները, երիտասարդական երգչախումբը, ինչպէս նաեւ կը հնչէ տհոլ­-զուռնա: Ներկաները կը պարեն հայկական ազգային պարեր:

Օգոստոս 16-­ին Հայ առաքելական եկեղեցւոյ տօնացոյցով Սուրբ Աստուածածնի Վերափոխման տօնը  կամ ինչպէս ժողովուրդին մէջ  ընդունուած է` Խաղողօրհնէքի տօնը: Այն Հայ Առաքելական եկեղեցւոյ հինգ տաղաւար տօներէն չորրորդն է եւ Տիրամօր նուիրուած տօներէն ամենահինը: Կը նշուի Օգոստոս 15­-ի մերձակայ կիրակի օրը` Օգոստոս 12­-18­: Տօնը ունի շաբաթապահք, նաւակատիք եւ մեռելոց: Սուրբ Աստուածածնի Վերափոխման տօնի աւարտին բոլոր եկեղեցիներուն մէջ կը մատուցուի պատարագ, որուն աւարտին կը կատարուի խաղողի օրհնութիւն: