Համահայկական 6-րդ ամառնային խաղերը պաշտօնապէս բացուեցան նաեւ ԼՂՀ` Ասկերանի քաղաքային մարզադաշտին մէջ, այս մասին կը յայտնէ Artsakhpress-ը:

Համահայկական խաղերու վոլէյպոլի եւ ֆութպոլի ենթախումբերու խաղերէն մէկը կ’իրականացուի Ստեփանակերտի եւ Ասկերանի մէջ: Մինչ խաղերու պաշտօնական մեկնարկը, Ասկերանի քաղաքային մարզադաշտին մէջ ԼՂՀ ԱԺ նախագահ Աշոտ Ղուլեան յայտարարեց խաղերի արցախեան մրցաշարի բացումը: «Այսօր իսկապէս պատմական օր է, քանի որ առաջին անգամ խաղերի մի մասն անցկացւում են Արցախում: Համահայկական խաղերի անցկացումը մի իսկական տօնախմբութիւն է քանի որ մեզ սովորեցնում է  միասնաբար տօնել յաղթանակներ»,- դիմելով ներկաներուն ըսաւ ԼՂՀ ԱԺ նախագահ Աշոտ Ղուլեան: Դիմելով աշխարհի տարբեր ծայրերէ հայրենիք ժամանած երիտասարդներուն` Ղուլեան շեշտեց, որ մարզիկները ուժեղ են միասնականութեամբ: «Համոզուած եմ, որ Համահայկական 6-րդ խաղերի աւարտից յետոյ մենք ունենալու ենք նաեւ շօշափելի այլ ձեռքբերումներ: Միացէ՚ք, հայրենիքում եւ նրա այս չքնաղ հատուածում` Արցախում ձեզ միշտ սպասում են»,- եզրափակեց Ղուլեան:

Այնուհետ փոքրիկ շքերթով մարզադաշտին մէջ հաւաքուած մարզասէրներուն ներկայացան Սպահանի (Ֆութպոլ), Պուրճ Համուտի (Ֆութպոլ), Գիւմրիի (վոլէյպոլ), Բերդի (Վոլէյպոլ) Ստեփանակերտի (Ֆութպոլ, Վոլէյպոլ) խումբերը:

Բացման արարողութեան յարջորդեց Ստեփանակերտի եւ Սպահանի ֆութպոլի խումբերու հանդիպումը: Արցախցիները  յաջողեցան արագ առաջ անցնիլ հաշուի մէջ: Երկրորդ կէսի աւարտէն վայրկեաններ առաջ Ստեփանակերտի խումբը խփեց նաեւ երկրորդ գնդակը եւ 2-0 հաշուով յաղթեց ֆութպոլի մրցաշարի արցախեան ենթախումբի  անդրանիկ խաղին մէջ:

Ստեփանակերտի եւ Ասկերանի մէջ Համահայկական խաղերու մրցումները կը շարունակուին նաեւ Օգոստոս 5-ին: Գիւմրիի մէջ վոլէյպոլի խումբը կը խաղայ Բերդի խումբին հետ, որ Օգոստոս 4-ին պարտուած էր Ստեփանակերտի խումբին: Իսկ  ֆութպոլի Պուրճ Համուտի խումբը կը մրցի Սպահանի տղոց հետ:

Համահայկական ամառնային 6-րդ խաղերը տեղի կ’ունենան Օգոստոս 2-13: Խաղերու օրակարգին մէջ ընդգրկուած նախկին տասը մարզաձեւին` ֆութպոլ, մինի ֆութպոլ, պասքեթպոլ, վոլէյպոլ, ատլետիկա, թենիս, սեղանի թենիս, ճատրակ, պադմինթոն, լող, աւելցած են եւս եօթը` լողափնեայ վոլէյպոլ, մարզական պարեր, կոլֆ, հանտպոլ, բազկամարտ, հեծանուային մարզաձեւ եւ հրաձգութիւն: Խաղերու մասնակիցներու խումբը կը գերազանցէ 6350-ը: