Երոպական խորհուրդի նախագահ Տոնալտ Թուսկը, որ տարածաշրջանային այցով կը գտնուի Հայաստան, այսօր` Յուլիս 20-ին, այցելեց Հայոց ցեղասպանութեան զոհերու յուշահամալիր, ծաղիկ տեղադրեց զոհերու յիշատակին, ապա այցելեց Հայոց ցեղասպանութեան թանգարան-հիմնարկ, կը յայտնէ News.am-ը:

Տոնալտ Թուսկին կ’ուղեկցէր ՀՀ արտաքին գործոց նախարար Էդուարդ Նալպանտեան:

Նշենք, որ այսօր նախատեսուած են Տոնալտ Թուսկի հանդիպումները ՀՀ նախագահ Սերժ Սարգսեանի, վարչապետ Յովիկ Աբրահամեանի հետ: Տոնալտ Թուսկի եւ Սերժ Սարգսեանի հանդիպումէն յետոյ տեղի կ’ունենայ համատեղ մամլոյ ասուլիս, որուն կը յաջորդէ ՀՀ նախագահի անունէն տրուելիք աշխատանքային ճաշը` ի պատիւ Եւրոպական խորհուրդի նախագահին:

Եւրոպական խորհուրդի նախագահը հանդիպումներ պիտի ունենայ նաեւ ընդդիմադիր կուսակցութիւններու ներկայացուցիչներուն հետ:

Տոնալտ Թուսկ Հայաստանէն կը մեկնի Վրաստան, իսկ Յուլիս 22-ին կ’այցելէ Ատրպէյճան: