Ատրպէյճանական լրատուամիջոցները հերթական ապատեղեկատուութիւն տարածած են այն մասին, թէ հայկական զինուժը գնդակոծած է ատրպէյճանական գիւղը, որուն արդիւնքով երեք վիրաւոր կայ:

ՀՀ ՊՆ մամլոյ խօսնակ Արծրուն Յովհաննիսեան հերքեց այդ լուրերը` ընդգծելով, որ հայկական բանակը հետեւողականօրէն կը պահպանէ հրադադարի կարգը: «Դա կեղտոտ ապատեղեկատուութիւն է սադրանքի նպատակով: Ես յստակ ասում եմ, որ դա նպատակ ունի սադրելու: Մենք նոյնիսկ պատրաստ ենք ցանկացած ֆորմատի միջազգային յետաքննութեան: Թող յետաքննութիւն անցկացնեն եւ պարզեն, որ դա հերիւրանք է, սադրանք է»,- ըսաւ Յովհաննիսեան:

Ատրպէյճանական լրատուամիջոցները տեղեկութիւն  տարածած են, թէ հայկական զինուժը խոշոր տրամաչափի զէնքերով գնդակոծած է Թովրուզի շրջանի Ալիպէյլի գիւղը, որուն հետեւանքով երեք մարդ տարբեր վնասուածքներով հիւանդանոց փոխադրուած  է: Կը նշուի, որ վիրաւորներէն երկուքը երեխաներ են: Աւելի ուշ ատրպէյճանական լրատուամիջոցները լուր հաղորդեցին, որ պայթիւնը տեղի  ունեցած է զէնքի հետ անզգուշաբար վարուելու հետեւանքով: